ເທດສະການເຂົ້າໜົມຝຣັ່ງ ກາແລັດ ເດຣົວ ຈັດໂດຍ ສະຖານທູດຝຣັ່ງ

ເທດສະການເຂົ້າໜົມຝຣັ່ງ ກາແລັດ ເດຣົວ ຈັດໂດຍ ສະຖານທູດຝຣັ່ງ
ຄຳປາໄສຂອງເອກອັກຄະລັດຖະທູດ
ທີ່ບ້ານພັກທູດ, ວັນທີ 14 ມັງກອນ 2015

ພາຍຫຼັງຜົນສຳເລັດຂອງເທດສະການເຂົ້າໜົມ ທີ່ເອີ້ນວ່າ ກາແລັດ ເດຣົວ ທີ່ຈັດຂື້ນເປັນຄັ້ງທີ່ໜຶ່ງໃນປີ 2014 ທີ່ນະຄອນຫຼວງວຽງຈັນ, ຂ້າພະເຈົ້າ ຮູ້ສຶກດີໃຈເປັນຢ່າງຍິ່ງ ທີ່ໄດ້ຈັດງານດັ່ງກ່າວອີກເທື່ອໜຶ່ງໃນປີນີ້ ລວມເຖິງພິທີສະແດງຄວາມອວຍພອນຂອງສະຖານທູດຝຣັ່ງ.

ທຸກຄົນອາດຈະຮູ້ແລ້ວວ່າ ພວກເຮົາສະເທືອນໃຈຫຼາຍກັບເຫດການທີ່ເກີດຂຶ້ນທີ່ປະເທດຝຣັ່ງໃນອາທິດທີ່ຜ່ານມາ ແຕ່ພວກເຮົາກໍ່ໄດ້ຮັບກຳລັງໃຈຈາກພາກສ່ວນຕ່າງໆ ຊຶ່ງມັນສະແດງເຖິງຄວາມສາມັກຄີ. ການໃຫ້ພອນ ຄືການໃຫ້ກຳລັງໃຈ ດັ່ງນັ້ນ ພວກເຮົາຈົ່ງສືບຕໍ່ຮັກສາປະເພນີອັນດີງາມຂອງຝຣັ່ງ ນີ້ໄວ້.

ພວກເຮົາຈົ່ງສືບຕໍ່ກິນ ດື່ມ ແລະ ສືບຕໍ່ກິດຈະກຳອື່ນໆທີ່ຄຶກຄື້ນ. ພວກເຮົາ ເຊື່ຶອໝັ້ນຕໍ່ບັນດາຊ່າງເຮັດເຂົ້າໜົມທີ່ມີຊື່ສຽງຂອງນະຄອນຫຼວງວຽງຈັນ ທີ່ໄດ້ເຮັດເຂົ້າໜົມໃຫ້ພວກເຮົາອີກເທື່ອໜຶ່ງໃນປີນີ້. ຂ້າພະເຈົ້າ ຂໍເຕືອນມາຍັງທ່ານອີກເທື່ອໜຶ່ງໃຫ້ລະວັງ ໃນເຂົ້າໜົມຈະມີໂຕຕຸກຕານ້ອຍໆ ຫ້າມກິນ ຫຼື ກືນ ແລະ ໃຫ້ທ່ານຍົກມືຂຶ້ນຫາກທ່ານພົບໂຕຕຸກຕາດັ່ງກ່າວ ເພາະທ່ານຈະມີສິດໄດ້ເປັນເຈົ້າຊີວິດ.

ປີນີ້ ພວກເຮົາຈະໄດ້ຊີມເຂົ້າໜົມ ທີ່ເຮັດໂດຍບັນດາຊ່າງເຮັດເຂົ້າໜົມດັ່ງຕໍ່ໄປນີ້ :
Philippe Boucley ຈາກຮ້ານ Bistrot 22,
Pierre Viala ຈາກຮ້ານ Parad’Ice,
Tinay Inthavong ຈາກຮ້ານ L’adresse de Tinay,
Jean Marie Stainmesse ຈາກໂຮງແຮມ Ansara, La Signature,
Cédric Marchand ຈາກຮ້ານ Café Vanille
Owen Marlaud ແລະ Jérémy Herzog ຈາກໂຮງແຮມ Landmark Mekong Riverside
Nicolas Carret ຈາກຮ້ານ Patuxay Café

ທີ່ລືມບໍ່ໄດ້ ນັ້ນກໍ່ຄື ທີມງານບ້ານພັກທູດ, ທີມງານທີ່ຮັກຄວາມສະຫງົບ ແຕ່ ກໍ່ຖືກເອີ້ນຕົວຕະຫຼອດ ເພື່ອໃຫ້ທ່ານໄດ້ຊີມລົດຊາດອາຫານຝຣັ່ງທີ່ແຊບຊ້ອຍ « goût de France ». ພ້ອມດຽວກັນນີ້ ຂໍຂອບໃຈມາຍັງ Mme Carujo ທີ່ໄດ້ມາຊ່ວຍງານໃນມື້ນີ້

Le goût de France ແມ່ນເທດສະການອາຫານລະດັບໂລກ ທີ່ຈະຖືກຈັດຂຶ້ນທີ່ນະຄອນຫຼວງວຽງຈັນ ແລະ ບ່ອນອື່ນໆ. ວັນທີ 19 ມີນາ ທີ່ຈະມາເຖິງນີ້ ບັນດາພໍ່ຄົວອາຫານຝຣັ່ງທັງຫຼາຍ ແລະ ບ້ານພັກທູດ ຈະຈັດງານລ້ຽງອາຫານແລງພິເສດ ເພື່ອຊີມລົດຊາດອາຫານຝຣັ່ງ ທີ່ເຮົາເອີ້ນວ່າ « the good France », ຂໍໃຫ້ທ່ານເຮັດຕົວວ່າງສຳລັບງານດັ່ງກ່າວນີ້ດ້ວຍ.

ນອກຈາກນີ້ « ການຊີມປະເທດຝຣັ່ງ » ກໍ່ຄືການໄດ້ໄປສຶກສາທີ່ປະເທດຝຣັ່ງ. ໃນໄລຍະນີ້ ມີງານທີ່ເອີ້ນວ່າ ຫ້ອງວາງສະແດງຈຳລອງແບບອອນລາຍກ່ຽວກັບການສຶກສາ ຖືກຈັດຂຶ້ນໃນ 9 ປະເທດຂອງອາຊີ ຊຶ່ງໃນນັ້ນກໍ່ມີປະເທດລາວ ເພື່ອເປັນການສົ່ງເສີມການຮຽນຂັ້ນສູງຂອງຝຣັ່ງ.

ຊຶ່ງເປັນງານຫ້ອງວາງສະແດງຈຳລອງກ່ຽວກັບການສຶກສາຂອງຝຣັ່ງທີ່ເປີດກວ້າງ ແລະ ບໍ່ເຄີຍຈັດຢູ່ຕ່າງປະເທດມາກ່ອນ.

ມີບັນດາມະຫາວິທະຍາໄລ ແລະ ໂຮງຮຽນຊັ້ນສູງຂອງຝຣັ່ງຈຳນວນ 67 ແຫ່ງ ເຂົ້າຮ່ວມງານດັ່ງກ່າວ.

ສ່ວນຢູ່ປະເທດລາວ ແມ່ນຈັດຢູ່ວິທະຍາເຂດດົງໂດກ ມະຫາວິທະຍາໄລແຫ່ງຊາດ ແລະ ຂ້າພະເຈົ້າຂໍທັກທາຍສະບາຍດີດ້ວຍຄວາມເຄົາລົບມາຍັງບັນດາຜູ້ຕາງໜ້າພາກສ່ວນດັ່ງກ່າວທີ່ມີໜ້າເຂົ້າຮ່ວມງານໃນມື້ນີ້.

ຂໍອວຍພອນໃຫ້ທຸກທ່ານ ໂຊກດີປີໃໝ່, ສຸຂະພາບເຂັ້ມແຂງ ແລະ ຂໍໃຫ້ທ່ານຮັບປະທານເຂົ້າໜົມຢ່າງແຊບຊ້ອຍ !

Dernière modification : 20/01/2015

Haut de page